💰ربح المال من الانترنيت
خليكم من خزعبلات الربح لي قهروكوم بها، هاد الموضوع ساعتاين و انا نكتب فيه و هو طوييل بزاااف و ماغادي تلقاوه فحتا بلاصة حيت مغاربة عزيز عليهوم الاحتكار لا كنتي بصح باغي فلوس خاصك تقراه كامل، ماتنساش تبارطاجي البوسط فالمير ديالك باش يستافدو ناس آخرين حتارمو المجهود لي كانديرو و بارطاجيو حنا ماكانربحو والو فقط بغينا نفيدو الناس و نحاربو المحتوى الفاشل فالويب المغربي
كانظن العنوان كافي باش يثير الانتباه، فكلنا باغين نربحو المال و نديرو تا حنا فلوس كيما
كانسمعو اشخاص دارو ثروة من الانترنيت و كانقولو كيدارو ليها؟
واش الانترنيت ساهل تربح فيه؟!
ندخلو نيشان مانطولش عليكوم، اولا مكاينش شي حاجة سميتها ربح من الانترنيت، كاين العمل في الانترنيت او الاستثمار في الانترنيت.
نساو عليكوم داك تخربيق ديال دخل هاد تطبيق ويلا دخلتي صحابك غاديكانسمعو اشخاص دارو ثروة من الانترنيت و كانقولو كيدارو ليها تربح 55 دولار او دخل لهاد السيط غاذي يبقا يعطيك بيتكوين كل 10 دقايق و تجمع منو......الخ من هاذ التفهات لي كاتعتابر مضيعة للوقت فقط. هاد تخربيق ماصالحش و هوما فقط لي مستافدين منك اما نتا كاضل غا تنشر و تبارطاجي بحال شي حمق على ود 5 دولار او اقل و فتالي ماكاتشدهاش!!!!
باش تفهمو مزيان كيفاش ناس كاتدير فلوس من انترنيت و باش مايصحابش ليكم ان هاذشي غا لعب الدراري، لان بزاف كايستصغر العمل و الاستتثمار بالانترنيت لانه معارفش الحقيقة، اليكم بعض الطرق و مجالات "الربح" :
_اليوتوب، هادي مانحتاشج نشرحها بزاف فالاغلبية عارفها كادير قناة كاطلعها كادير محتوى ديالك و كاتستافد من الاشهارات ديال ادسنس و الى كنتي مشهور ممكن دير اشهار للشركات.... و كلشي عارف دابا شحال دتمارة كايخص باش طلع قناة فيوتوب.
_انشاء مدونة، هادي ايضا الاغلبية عارفها و لي هي كادير bloggg و كاتبقا تنشر فيه المحتوى ديالك و تحاول تجيب زوار كثار و من الاحسن تستهدف الدول الاجنبية لان العرب ماغادي تربح معاهوم والو تقريبا.
_كاين reskinn و يوحد العديد من المحموعات فالمغرب كايتعاونو بيناتهوم فهاذ المجال و امكن لية دخل لمجموعات اجنبية كايكون افضل لانهم كاتلقا غندهوم الجديد لا كنتي تتقن الانجليزية، الريسكين هو انك كاتاخد تطبيق ديال اوندرويد مثلا snaptub المشهور، و كاتحاول تبدل شي حوايج بساط فيه باش يبان بحالا نتا لي صوبتيه و كاتعاود تحطو فplay store و انت كاتربح من admoob هاد ادمووب هو بحال adsense و لكن كايكون خاص بالهواتف، فدوك اللشهارات لي كايبانو ليكم فالتطبيقات لي كاتحملو هوما ديال ادمموب و من تما مناش كايربحو الناس.
مهم كاين عدة مشاكل غادي تواجهك فهاد ضومين كانسمعو اشخاص دارو ثروة من الانترنيت و كانقولو كيدارو ليها و لي اهمها غلق الحساب و هذا شيئ عادي لانك خدام بطريقة غير قنونية لذلة توقع انه يتم غلق حسابك شي نهار و تما كايخصك دير حساب آخر.....
و امكن ليك تعدل على بعض الالعاب المشهورة مثل flappy birdd مثلا و تبدل محيط اللعبة و ابدل شي حاجات بساط باش تبان بحالل انت لي قاديتي اللعبة و تعاود ترفعها.
باش تفهم اكثر قلب فيوتوب و فغووغل هناك ملاليين الشروحات و دخل للغروبات تستافد.
_كاين تطوير التطبيقات، و لي عي انك ةاتقاد شي تطبييق للهاتف و تقدر تربخ منو من خلال الاعلانات او يمكنك تبيع التطبيق ديالك، مهم ناس ديال development mobile عارفين هادشي، مهم كايخصك تكون قارو لغات البرمجة و عندك فكرة باش تقدر طور تطبيق و يكون ناجح، و من امثل التطبيقات الناجحة فالعالم العربي تطبيق " وصلة" الغني عن التعريف.
_تطوير الالعاب، و هي انك دير لعبة اكيد ناشي ساهل فكايخصك تكون استودو باش ديرها و لكن ممكن دير لعبة بسيطة و تكون ناجحة، ف flappy bird لي كانت حققات ملاين التحميلات فماشي صغيب دير بحالها فقط كايخصك افكرة لانها هي كل شيئ، لا كان عندك الافكار و الخيال واسع تقدر دير لعبة ممتعة و بسيطة، و افضل محرك لتطوير الالعاب هو unity امكن ليك تقلب عليه فيوتوب هناك العديد من الشروحات كاتوريك كفاش دير لعبة من aحتا ل z و بالنسبة لطريقة الربح من لعبة، امكن ليك دير اعلانات غووغل او دير اعلانات unity ads ولي تا هي لا تقل اهمية عن admoob و العديد من الالعاب كاتعتامد على unity ads من بينها اللعبة المشهوورة 8ball pool .
_مواقع freelancee و لي هي عدة مواقع كايكونو زبناء كايطلبو عدة خدمات، من بينها " الترجمة" كاين مثلا لي كايبغيك ترجمليه من الفرنسية الانجليزية او العكس مهم لي عندو مع اللغات يقدر يخدم، او لي عندو مع design كاين عديد من خدمات متوفرة هناك، اي واحد عندو شي موهبة فالويب مثلا البرمجة الرسم. الخ..... كاين عديد من زبائن كايقومو بشراء تلك الخدمات، اكيد المنافسة محتدمة و لكن تما كايخصك تبين حنت يديك، مهم كتبو غا freelance اتلقاو عدييد مواقع للعمل فيها.
_كاين user experiencee و هي لي كان شرح راغب امين، باختصار هنا كايخصك تكون عندك مع الانجليزية لانه كاتخدم امام الكاميرا و الميكرئفون حيث كايطرحو عليك بعض الاسئلة و كاتحاوب و كاتعطيهم اقتراحات مثلا الخ.... مهم المقابل جيد، ممكن يوصل تال 50 دولار في الساعة، قلبو اتلقاو فغووغل او شوفو فيديو ديال راغب امين كايشرح هادشي.
#####################
نمشيو دابا لاشياء لي ممكم دير بها ثروة ديال بصح (عن ملايين دولارات $$اتحدث)
-كاين dropshipingg ولي هو انك انت كاتقوم بشراء منتجاات من صين و كانعاود فيهم البيع فالاسواق الامريكيز او الاسترالية او الكندية الخ.... امكن ليك دير موقع خاص ديالك باش تبقا تبيع فيه او انك تستغل منصة shopify باش تفتح متجر ديالك و هذا بوحدو بحر و كايخصك.تقلب فييه مزياان باش تفهم لانه كاين العديد من اشيلء باش تعلمها هنايا.
انا انشرح ليك طريقة شناهيا، كاتهدر مع بياعة فالانترنيت مثلا كاتمشي aliexpress كاتلقا تما emaill ديال شي بائع صيني ، كاتهدر معاه فالايمايل كاتقوليه نثلا انا بغيت نشري عندك بجملة و بغيتك ديرلي تخفيض، و كاتقوليها انا كاندير dropshiping، منين كايديرليك تخفيض و كاتفاهمو على الثمن غا من الهضر فالايمايل او فالسكايب. نتا كاتمشي للفايسبوك مثلا كادير حملة علانية للمنتوج لي باغي تبيع، كاتخلص فلوس بالظبع على هاد الحملة الاغلانية في فايسيوك، كاتستهدف فيها الدولة لي بغيتي، منين كايدخلو الناس من فايسبوة للموقع او متحر ديالك باش يشريو، منين كايشريو نتا كاتقول لبسيد معامن تافقتي باش يسيفطلعوم سلعة و نتا كاتخلصو.
يعني باللغة ديالنا كاتخدم بحال شي شناق كاتشري و كاتعاود تبيع لكن بدون ماتكون عندك البضاعة او تشوفها كلشي كايتكلق بيه البائع لي فصين نتا غا كاتحيب لكليان.
هذا هو دروب شيبين و باش تبدا فهاد الضومين كايقولو الناس لي عندهم سنوات فيه كايخصك على الاقل 2300 دولار باس تبدا مرتاح ممكن تبا باقل لكن هذا رقم تقديري فقط.
_نمشيو e-commercee و هذا بوحدو بحر، مانجيش و نختاصرو فعدة سطور، مهم نعطيكم امثلة، نفس الشيئ لي فدروب شيبين مثلا كاديرو هنايا، لكن الاختلاف هو انك كاتجبب السلعة للبلد ديالك فين ساكن و كاتخلص عليها الديوانة و كاتحطها فالديبو عندك، و كاتبدا تبييع للناس و سلعة كاتسيفطها مع شركات الشحن العالمية باش توصل فاقرب وقت، و كاتحسب ثمن و كاتزيد داكشي لي تقام عليك من ديوانة.... فثمن السلعة و كايبقاليك هامش للربح.
كاين دراري فالمغرب لي كايجيبو سلعة و كايعاودو البيع داخل المغرب نيت، تقدرو تصادفوعوم فالغروبات او في الحياة الواقعية... كذلك شركة jumia فهي تقوم بنفس الامر ، و هذا شيئ بسيظ جدا من e-commerce .
_نمشيو دابا لebayy هو متحر كاتقوم فيه ببيع اليلعة دالك مقلا نتا فالمغرب تقدر تحط زربية تقليدية للبيع او المزايدة، مقراش قديم....الخ و كل شيئ يباع لي حبيتي بيعها من دون المواد الممنوعة طبعا كالمخدرات.... و ممكن ايصا تحدم طريقة dropshiping حيث انك كاتاخد سلعة مثلا من alibaba و كاتحطها ف ebay بحلا سلعة ديالك، و كاتزيد عليها هامش الربح ديالك و منين كايشريها شي حد من عندك تتا كاتشريها من alibaba مثلا و كاتسيفطهالو فالعنوان ديالو. لي بغا يفهم اكثر يدخل يقلب غلى هادشي ةاين مئات الدورات ف udemy و فيوتوب....
_كاين traffic arbitrage و لي هو انك كادير موقع الكتروني بحال ديال virall داكشي ديال "انظر دجاجة بدون راس تمشي" الخ... و لكن كاتستهدف فيه الاجانب، و الفرق هنايا هو انك كاتقوم بشراء الطرافيك من فايسبوك مثلا و كاتحيبو للموقع ديالك و من بعد كاتربح من اعلانات غووغل او taboola او اي شركة من شركات الاعلانات.
بتفصيل اكثر، كادير واحد حملة اعلانية في فايسبوك تستهدف فيها مثلا الاجانب و كاتحط فيها رابط الموقع ديالك مع صورة مثيرة لجذب الانتباه، و ناس كايدخلو للموقع يقراو الموضوع و نتا كاتخلص على عدد الزيارات و النقرات من خلال ادسنس اوغيره.
هاد طريقة سهلة شوية و ممكن تحقق منها ارباح كبييرة جدا و النتيحة كاتكون سريعة.
قلب مزيان على هادشي باش تفهم اكثر انا ةانوريك غا طريق.
_كاين ايضا cpa,باختصار دوك العرض لي كاتشوفو ديال "ادخل للتسجيل و ستربح iphone88 الخ..." كايربحو منها اموال طائلة، نتت اش كادير كاتسجل فاحد المواقع لي كاتقوم بهذا الخدمات و من بعد كايعطير رابط خاص بيك كايخصك تنشرو و اي واحد دخل و تسحل مثلا و عمر معلومات دياولو كايعطيوك عليه 1 دولار او اكثر على حسب كل عرض و شنو فيه، نتا ةاتاخد دوة العوض و كلدير بهم حملة اعلانية في فايسبوك و منين كايدخلو الناس يعنرو المعلومات او يقومو بالمطلوب منهم نتا ةاتخلص عليهوم، و كاين لي كايربح 120000 دولار شهريا من هادشي.
قلبو اكثر باش تفهموا.
_كاين auto pilote goofle adsensee , و هاذ الطريقة مزال فميكتها و خدامة بها الناس كاضرب فلوس، كايخصكوم تقلبو عليها اكثر او شرويها من udemy ,انا نشرح ليكم المبدا ديالها،
كادير واحد سيط و كاتقادو كادير فيه بعض الكودات كاتستغلهوم في فايسبوك .
هذا الكودات لاش صالحين. مثلا نتا كادير صفحة و كاتنسر ديك القضية ديال هل تعلم انه ادا كتبتةhsgshhs.com/jdhdhshs فانه سيظهر لك اخر من زار بروفايلك، و ناس كاتكب داكشي و كايطلع ليها شي اشاص من فايسوك عشوائين او في قائمة الاصدقاء، و كايتيقو و كايبداو يبارطاجيو داكشي، تا منين كانربح هنا؟ من هلال ناس لي كايوظاو على داك الرابط و كايدخلو للموقع ديالك نتا كاتكون معمرو بالاعلانات و كاتربح من خلال الاعلانات.
ممكن دير مثلا "انظر شخصية الكرتونية الشبيهة لك الخ.
و نحية لاي واحد كان متيقق داكشي ه ههههههههععع و كغالس كاينشر فيع و ناس كادير فلوس على ظهرو ههههههههه.
مهم عاودو قلبو على هادشي مزياان.
- ايضا teespring او teezilyy هاد جوج مواقع كايتيحولك خدمة انك الى كاتعرفي قاد ديزاين اولا عندك مع فوتوشوب تقدر تصاوب تيشورت او قبية و تبيعها و انت كادير الثمن لي بغيتي.
نشرح اكثر نتا كااقاد شي ديزاين و هوما كايتكلفو بالطباعة و الشحن و انت امكن ليك دير القمن لي بغيتي، المنافسة كبييرة جدا فهاد المجال لذلك ضروري كايخصك.تلجا انك دير حملة اعلانية في فايسبوك باش يشوفوها الناس ويلل عجبهوم يشريوه، اكيد فادي تستهدف الدول الاجنبية.
مهم ماكاينش غا تيشورت كاين بوشيط ديال تلفون، كيسان، سبرديلات... هادو كاملبن امكن ليك.ديرلهوم ديزاين و تبيعهوم .
نخليكم تكتاشفو اكثر.
-و ايضا amazon mechanical turk هاد الخدمة دارتها امازون من 20055 و من خلالها امكن ليك جتي المال، المهم انت كادير شي حوايج لي مايمكنش الحاسوب يديرهوم، بحال التعرف على بعض صور المنتوجات، تعطي شي اقتراحات.... مهم حوايج من هذا القبيل، و كاتخلص على العمل ديالك طبعا.
مهم دخلو و اكتاشفوا براسكم.
-كاين amazon fbaa و هي انك تكون بائع فمنصة امازون، كاين عدة شروط باش يتم قبولك بالطبع. امازون مزيرة سمطة لا كنتي كادير ديك كوبي كولي غادي يسدو ليك.الكونط مهم لا بغيتي تبيع كايخصك تبيع منتوجات خاصة بك، تقدر تافق مع شي صانع تقليدي...... مهم شي حاحة بحال هكا...
امازون كاتكلف بكولشي الشحن... نتا كاتحط السلعة ديالك عندهوم ويلا تباعت شي حاجة هوما كايتكلفو بداكشي.
مهم هادا كايخصو موصوع بوحدو لانه فيه بزااف مايتقال انا كانعطيكم غا المعلومة.
-كاين ايضا affiliate marketingg او التسويق بالعمولة ، هو انك كاتروج للعروض ديال شركات او hotels او منتوجات او اي شيء و انتا كاتاخد نسبة على كل زائر او زبون ... على حسب الخدمة.
كتب فغووغل
( المجال لي كاتعرف ليه)+affiliate mareketing
غادي يعطيوك العديد من الخدمات، شوف نتا الحاجة لي عندك معاها و حاول تسوق ليها و غادي تربح نسبة على كل مشتري او زائر الخ....
-كاين ايضا amazon kindle programmee و هي انك الى كنتي كاتعرف تصاوب كتب، ادير كتاب ديالك وتبيعو تما.
#ذاتس_آل_تالكس
كاين بزااف دالمجالات و منها المشروعة و غير المشروعة، و حنا ذكرنا المشروعة في هاذ جزء ، و مايمكنش نذكرو جميع المجالات بطبيعة الحال.
الهذف ديالنا هو نوريوكوم كيفاش فعلا كايربحو الناس فلوس ، و تبعدو من داك تخربيق ديال حمل تطبيق لتربح 5 دولار و داك تخربيق
😊للمعلومياتZYمدونة#
